識多啲 | Society Edition

【識多啲：社會篇】

麥當勞尋日宣佈門店每日傍晚六點後起不設堂食，為期14日，包括24小時餐廳。此舉令一眾「麥難民」無「家」可歸，究竟「麥難民」係咩呢？

「麥難民」（McRefugees）一詞最早源於日本，係指一啲無辦法負擔屋租而被迫寄居於喺一啲24小時營業嘅快餐店內嘅人。有調查認為麥難民嘅問題並非單一房屋議題，亦因家庭問題和在職貧窮所致。香港嘅「麥難民」人數去年底已增至448人，新嘅防疫安排意味著佢哋無「家」可歸，要另覓可以留宿嘅地方。

「麥難民」並唔係得香港有，世界各地都有「麥難民」。

日本

喺2007年，日本24小時營業嘅麥當勞開始出現露宿者，佢哋一般只係象徵性咁買一杯飲品之後，就以顧客身份留喺餐廳過夜。為阻止更多呢類「麥難民」出現，宜家快餐店一般會喺凌晨2點到4點準備迎接第一批客人嘅時候進行清潔，以便委婉驅趕呢啲難民，通常這些難民都會喺呢個時候轉戰網咖或者車站直到朝早。

香港

自從設立咗24小時營業嘅麥當勞之後，夜晚到麥當勞借宿嘅人就愈來愈多，背後原因各異，但近年來香港嘅房屋問題嚴峻，唔少在職貧窮嘅人都成為呢群麥難民之一。喺2015年10月初，一名老婦喺牛池灣坪石邨麥當勞內暴斃，麥難民問題自此引起社會關注。

台灣

雖有24小時營業嘅快餐店，但滲透率較高嘅便利店比較受難民歡迎。

南韓

近年因為經濟因素，南韓都開始出現咗麥難民嘅現象，其中以首爾嘅麥難民人數最多。

下次再分享唔同既冷知識比大家啦～