識多啲 | Health Edition

事實上，一般情況下，人體溫度大概喺攝氏37.3度左右，探熱所得嘅數值正常範圍一般係攝氏35.5度至38度。當量度所得溫度超過攝氏37.8度、華氏100度嘅時候，就代表發緊燒喇🤒。發燒係因為恆定機制被病毒破壞，所以被設定喺一個高啲嘅數值。有啲感染會導致發燒，就係因為身體為咗對抗病毒🙅🏼‍♂️，而自動調節去高啲嘅溫度🤔。

咁......體溫呢味嘢，又係唔係越低越好呢？體溫低於攝氏34度就會有失溫嘅危險😨，輕則意識模糊😵，重則有生命危險😖。發冷、失血過多、即將死去的人都會體溫降低。相反，然而體溫超過攝氏42度都會有生命危險🤢，好容易會造成腦部受損同脫水架！

發高燒係體內抵抗感染嘅機制之一👨🏻‍🔧，我地嘅身體以升高體溫嚟調動自身嘅防禦系統殺死外來病菌🔪，一般來說，病菌在39度以上時就會死亡😶，從而縮短疾病時間、同增強抗生素嘅效果。如果喺感冒初起嘅時候食藥物嚟退燒，會令體內嘅細菌暫時變成假死狀態，亦會令佢地產生抗藥性，一旦死灰復燃，往往仲難治療。

所以，一般嚟講，發燒最簡單直接嘅處理手法都只係用冷敷幫助降低體溫❄️。喺額頭、手腕、小腿上面各放一塊濕毛巾，其他部位用衣物蓋住。當冷敷布達到體溫時，就要換一次，直到退燒為止。而且都可以將冰塊包喺布袋入面，放喺額頭上，達致降低體溫、散熱嘅效果🌬🌬。