【識多啲 | 衛生篇】

近排口罩變成必需品😷，一罩難求，有時出街戴完個外科口罩就揼🚮，真係好似好嘥咁😭。但係又好似話外科口罩唔可以重用🙅🏻‍♂️，又好似話可以翻蒸💨，邊個先真呀😈？

我地一於科學求真救港👨🏻‍⚕️，同大家講吓口罩可唔可以重用！

消委會三月嗰陣做過個測試，通過實驗室測試外科口罩在清洗消毒後嘅功能，通過實驗證明，自行以含有75%酒精的酒精搓手液噴在外科口罩最外層表面，及經過達攝氏 60 度水溫的肥皂水清洗的外科口罩，在掃描電子顯微鏡下檢視，顯示外層防水層受損，防水功能失效，中層物料纖維亦受破壞、變形、收縮。纖維完整性受損，影響過濾效能，失去防護作用。

所以可以話，你洗完個口罩之後，個樣好似差唔多，但原來入面已經爛曬！咁，如果我戴一陣之後收埋佢，又或者搵個布口罩冚住個外科口罩，又得唔得？

一樣唔得！濕氣係破壞口罩結構嘅關鍵，布口罩可以阻擋濕氣，理論上有效減慢過濾層被破壞或失去功能，令口罩效用由4小時延長至8小時，但專業意見不建議將口罩重用兩、三日，因為人類嘅口氣帶有細菌，即使只戴10分鐘就除咗，細菌亦可以喺8至24小時內不斷自我複製，一日內含菌量可高出逾百倍，吸入太多細菌，可增加上呼吸道感染、腸胃不適，甚至肺炎風險。